Forside

Plass til fleire utstillarar

Me har som vanleg allereie fått inn mange flotte utstillarar - frukt sjølvsagt, krotakaker sjølvsagt, bilar sjølvsagt - og det er framleis plass til fleire. Hiv deg rundt og meld inn, så sikrar du deg ein hyggjeleg og bra plass saman med dei andre utstillarane. Lista over dei som er med til no finn du her - syt for at di verksemd vert neste namn på lista!


Har du klar sideren din?

Så var det igjen tid for å kåra verdas beste sider! Som vanleg lyt du senda inn to flasker som prøve og dette lyt du gjera innan 25. september. Les meir om konkurransen her - me ser fram til rekordmange påmeldte! Hugs at me har to klassar, amatør og profesjonell, så det er berre å gjera godsakene klare.

Sykkelshow med Eirik Ulltang

Øystese sin store sykkelson kjem og har oppvisning!  Biketrial er knalltøft og konkurransen på verdsbasis er hard. Han er for tida rangert som nummer 19, noko det står enormt respekt av. Han har vunne tolv av seksten enkeltritt i Noreg. Han er også ambassadør for sykkelsporten samt arrangerer eigne kurs og trialsykkelløp, Fjordtrial. Ikkje gå glipp av Eirik Ulltang på Siderfestivalen!

Årets beste sider kåra!

16 sidertypar var påmelde årets Siderfestival i Øystese fordelt på to klassar, amatør og profesjonell. I år som i fjor stakk Nils Lekve og Lekve Gard i Ulvik av med fyrsteprisen i proffklassen, i år med sidedren Hardangersider Kvasshovden. I klassa amatør vann Helge Frøland sin sommerred/gravenstein-sider. Bedømminga er basert på blindtesting utan klassifisering med poeng for farge, klårheit, lukt, smak og ettersmak. Dommarpanelet bestod av Eivind Vangdal (Bioforsk), Vidar Klausen (Vinhuset) og Ragnhild Børven (kokk), og det var fullstendig semje om topplasseringane - Kvasshovden vann med 77 poeng av 90 oppnåelege og beste amatør hadde 61 poeng av 90.

Foto: Toril Walker Norheim